2.5K
Downloads
26
Episodes
De David und de Mattia stelled sich gegesiitig Musig vor, losed si, und reded denn drüber. Spontan, ungskriptet, und ungfilteret. Für all die Moment wo du nöd gwüsst hesch, öbd wötsch Musig oder en Podcast lose, ufem Heiweg vom Usgang, bim Jogge, Wohnig putze, ischlofe oder schaffe, chasch ezt eifach drüvier mol lose ischalte, für the best of both worlds!
Episodes
Mar 19, 2021
Mar 19, 2021
1hr 5 min
De Winterschlaf het starchi Spuure hinterlah. De Mattia und de David sind chli us de Üebig. Aber sie hend hüt de Roman Rübe zu Gast, mit ere neue EP. Und die isch schön.
Jan 10, 2021
Jan 10, 2021
49 min
Drüvier mal zrugg! Au im 2021. Mit me wundervolle Album vom Lenos Lenophyllum. Wo glaub us Solothurn isch – und nid vo Bärn. Und ja, s Hackbrett isch tatsächlich keis schwiizer Instrument... De Mattia isch am träume und de David isch am träume. Öb das guet chunnt...
Mir losed «Heiweh» vom Lenos Lenophyllum.
Dec 18, 2020
Dec 18, 2020
1hr 14 min
Four on the floor, Loungepiano, Hardbopbeats, Chörli, Sidestick und sogar de Elias Kirchgraber. All das chamer ghöre uf dere EP – äh dem Album, wo de Mattia und de David hüt losed. Und liebed. Und dezue uf de Stüel umebounced.
Mir losed «Bedtime Stories» vo MATONDO
Dec 11, 2020
Dec 11, 2020
1hr 58 min
Hüt losemer es (hüt erschinigs) Album vom Huuseigene David. Aber eigentli losemers gar nöd hüt sondern vor zwei Mönet. Demit de Mattia no die ganz puure und frische Emotione chan uselah, während er verzellt, wie schwirig die einti Gitti-Stell gsi isch.
«Songs from Arcade Games» vom Das David Bircher Hardcore Orchestra
Dec 4, 2020
Dec 4, 2020
1hr 39 min
Drüvier mol lose isch wieder zrug! Mit em erschte Jazz Album, wo i dem Podcast behandelt wird, und es hets in sich. De David und de Mattia begebed sich uf e Reis wie no keini zuvor und gnüsets jedi Sekunde.
Mir losed Ghostology vo Marena Whitcher's Shady Midnight Orchestra
Nov 11, 2020
Nov 11, 2020
48 min
E Band, en EP. Specific Ocean macht Musig. Gueti Musig. De Mattia findet sie out. De David findet sie on. Oder so. Meh wüssemer au nüme.
Mir losed «Time seems to be just a waste of time» vo Specific Ocean.
Nov 7, 2020
Nov 7, 2020
1hr 30 min
Endlich verstönd de David und de Mattia mal de Text. Und denn findets en au no guet. Und d Musig isch au guet. Und d Stimmig au. Also en perfekte Abig für Popcorn und es Ufbackbrötli.
Mir losed Psychohyäne vo Mehltau.
Oct 29, 2020
Oct 21, 2020
Oct 21, 2020
30 min
Hüt mol eifach drü Singles vo üs bekannte Musikerinnen und Musiker, wo mir schon länger mol hend wölle im Podcast bespreche. Mit Release vo de neue Matondo Single, isch üs e gutes drü-M-Paket id Handelt kheit, und deshalb hend mir die Chance gad ergriffe. Gueti Musig, Verwirrti Kommentär; also alles bim alte.
Mir loosed üs ah:
I wanna know you vo Mischgewebe
Oct 15, 2020
Oct 15, 2020
1hr 3 sec
Am David verschlohts dismol endgültig d'sprich. Er bringt eigentlich fast nüt meh use und wir s'Album gern in Friede ohni Quatsche lose. Blöd aber nur das er mitem Mattia im Studio hockt und die beide en Podcast ufnehmed. Si probieret ihri Gfühl irgendwie in Wort zfasse, was sich in vil äh's und räuspere zeigt. Wie immer. Gebed eu also mit ene die absolut schön Musig!
Mir losed Aquatic Ballet vo To Athena