De David und de Mattia stelled sich gegesiitig Musig vor, losed si, und reded denn drüber. Spontan, ungskriptet, und ungfilteret. Für all die Moment wo du nöd gwüsst hesch, öbd wötsch Musig oder en Podcast lose, ufem Heiweg vom Usgang, bim Jogge, Wohnig putze, ischlofe oder schaffe, chasch ezt eifach drüvier mol lose ischalte, für the best of both worlds!
De Winterschlaf het starchi Spuure hinterlah. De Mattia und de David sind chli us de Üebig. Aber sie hend hüt de Roman Rübe zu Gast, mit ere neue EP. Und die isch schön.
«Kein Bild von dir» vom Roman Rübe
Drüvier mal zrugg! Au im 2021. Mit me wundervolle Album vom Lenos Lenophyllum. Wo glaub us Solothurn isch – und nid vo Bärn. Und ja, s Hackbrett isch tatsächlich keis schwiizer Instrument... De Mattia isch am träume und de David isch am träume. Öb das guet chunnt...
Mir losed «Heiweh» vom Lenos Lenophyllum.
Four on the floor, Loungepiano, Hardbopbeats, Chörli, Sidestick und sogar de Elias Kirchgraber. All das chamer ghöre uf dere EP – äh dem Album, wo de Mattia und de David hüt losed. Und liebed. Und dezue uf de Stüel umebounced.
Mir losed «Bedtime Stories» vo MATONDO
Hüt losemer es (hüt erschinigs) Album vom Huuseigene David. Aber eigentli losemers gar nöd hüt sondern vor zwei Mönet. Demit de Mattia no die ganz puure und frische Emotione chan uselah, während er verzellt, wie schwirig die einti Gitti-Stell gsi isch.
«Songs from Arcade Games» vom Das David Bircher Hardcore Orchestra
Drüvier mol lose isch wieder zrug! Mit em erschte Jazz Album, wo i dem Podcast behandelt wird, und es hets in sich. De David und de Mattia begebed sich uf e Reis wie no keini zuvor und gnüsets jedi Sekunde.
Mir losed Ghostology vo Marena Whitcher's Shady Midnight Orchestra
E Band, en EP. Specific Ocean macht Musig. Gueti Musig. De Mattia findet sie out. De David findet sie on. Oder so. Meh wüssemer au nüme.
Mir losed «Time seems to be just a waste of time» vo Specific Ocean.
Endlich verstönd de David und de Mattia mal de Text. Und denn findets en au no guet. Und d Musig isch au guet. Und d Stimmig au. Also en perfekte Abig für Popcorn und es Ufbackbrötli.
Mir losed Psychohyäne vo Mehltau.
Mir losed hüt Stück vom huuseigene Mattia. Mit bizli Nostalgie, Angst, Stolz und Rechtfertigung. De David chunnt wie immer nöd ganz drus, aber gnüsst die Reis inen Usschnitt vo de Stück vo sim Gspröchspartner. Enjoy!
Hüt mol eifach drü Singles vo üs bekannte Musikerinnen und Musiker, wo mir schon länger mol hend wölle im Podcast bespreche. Mit Release vo de neue Matondo Single, isch üs e gutes drü-M-Paket id Handelt kheit, und deshalb hend mir die Chance gad ergriffe. Gueti Musig, Verwirrti Kommentär; also alles bim alte.
Mir loosed üs ah:
I wanna know you vo Mischgewebe
Closing Gates vom Magnolia Rareman
Am David verschlohts dismol endgültig d'sprich. Er bringt eigentlich fast nüt meh use und wir s'Album gern in Friede ohni Quatsche lose. Blöd aber nur das er mitem Mattia im Studio hockt und die beide en Podcast ufnehmed. Si probieret ihri Gfühl irgendwie in Wort zfasse, was sich in vil äh's und räuspere zeigt. Wie immer. Gebed eu also mit ene die absolut schön Musig!
Mir losed Aquatic Ballet vo To Athena
