1.9K
Downloads
26
Episodes
De David und de Mattia stelled sich gegesiitig Musig vor, losed si, und reded denn drüber. Spontan, ungskriptet, und ungfilteret. Für all die Moment wo du nöd gwüsst hesch, öbd wötsch Musig oder en Podcast lose, ufem Heiweg vom Usgang, bim Jogge, Wohnig putze, ischlofe oder schaffe, chasch ezt eifach drüvier mol lose ischalte, für the best of both worlds!
Episodes
Thursday Oct 08, 2020
Saturday Sep 19, 2020
Saturday Sep 19, 2020
De David seit verwirrende Sache, und de Mattia probiert zum erkläre. Alles wie immer also. Zuedem versinked die beide in truuriger, aber schöne Nostalgie, trotzdem cha de Mattia sini Fanboy Siite nöd verstecke.
Mir losed I died a year ago vo Ruined.
Wednesday Sep 16, 2020
Wednesday Sep 16, 2020
De Mattia und de David wennd eigentlich chille. Aber denn chunnt plötzlich so luuti Musig, wo sie beidi nöd verstönd und dementsprechend stammleds eifach umenand. Isch aber irgendwie au no lustig.
Mir losed Beware of the Volcano vo Catalyst
Wednesday Sep 09, 2020
Wednesday Sep 09, 2020
De Mattia und de David mached sich uf de Weg dur neue Gwässer. I dem neue Format losed si zuefälligi Schätz wo si, dismol de David, uf Mx3 gfunde hend. Und wer weiss, villicht het die Folg sogar no en Special Guest...
everything i couldn’t be vo Julia Alexa und Belfa
Mehdi vo de Lelia Lortik
Wednesday Sep 02, 2020
Wednesday Sep 02, 2020
I dere Folg losemer üs s'Debut Album vomene Singer-Songwriter Duo ah, i dem ein vo de Hosts e Hälfti usmacht. De Mattia schwelgt in Erinnerige, und de David loht s'Klavier ausklinge und kündet einigi Schnitt ah... Öb er's denn au macht, für das muess mer de Podcast lose.
Wednesday Aug 26, 2020
Wednesday Aug 26, 2020
Hüt nimmt eus Rainstorm Society uf e Reis mit, aber ehrlicherwiis muess mer sege, dass de David und de Mattia uf zwei komplett unterschiedliche Trips sind. De David fahrt i d Berge, chunnt Hunger über und holt sich en Hot Dog, während de Mattia am Lagerfüür sis Schlangebrot verbrännt. Aber am Schluss chömed trotzdem beidi in Irland a... Das isch ja au schön!
Mir losed American Boy / 2019 vo Rainstorm Society.
Wednesday Aug 19, 2020
Wednesday Aug 19, 2020
Churz, aber het's in sich!
De David zeigt am Mattia chli Rockmusig vo Simeon Soul Charger. E Folg wo scho vor langem ufzeichnet worde isch und genau die Funktion erfüllt, wo sie het sölle: Lückefüller, für wenns de David und de Mattia nöd schaffed, sich z treffe...
Saturday Aug 15, 2020
Saturday Aug 15, 2020
Mir hend üsen zweite Specialguest, Komponist und Dozent Dennis Bäsecke, im Podcast.
Drü Lüt gigelet e Stund vor sich hi. De Mattia schwappt über, macht Statements und verglicht mit anderne Bands. Am David verschlohts chli d’Sproch, er sitzt und gnüsst. Wenner denn doch redet, zeigt sich, daser i Musiggschicht doch chli ufpasst het. Er verstoht vil Zitat, wött si aber nöd erkläre.
Mir losed "So nicht Karlheinz" vo Susurration
Wednesday Aug 12, 2020
Wednesday Aug 12, 2020
De David beklagt sich über Längeverhältnis und de Mattia schwärmt mit Anekdote vor sich hi. Wasser flüsst, Kreature zeiged Angst, Synthis gönnd kaputt und Kröte zelebriert. Wa willmer meh?
Mir losed Ep 01 vo Gamma Kite
Wednesday Aug 05, 2020
Wednesday Aug 05, 2020
De Mattia chunnt uf d'Krise wege Posune... Oder schafft er's endlich sin Friede mit dem Instrument z'schlüsse? De David, gfüllt mit Bewunderig, zeigt ehm es Album in extra längi, vomne altbewährte Zürcher Musiker. Freued eu uf e emotionali Reis, mit einzigartiger Instrumentation und vil, sehr vil Posune.
Mir losed Songs aus dem Unterhaus vom Res Wepfer Kabinett